Demetrius Andrade-a'n WBO title a humhim

Demetrius Andrade chuan Inrinni zan khan Hollywood, Florida-ah amah chotu Liam Williams chu unanimous decision-a hnehin WBO world middleweight a humhim.

Kum 33 mi Andrade hi Judge pathumten 118-109, 118-109 leh 116-111 ten point an pe ṭha zawk vek a, boxing career-a vawi 30 a inhnek thawhah a la chak vek a ni.

American boxer Andrade hian October 20, 2018 khan Namibia boxer Walter Kautondokwa hnehin WBO middleweight title hi a kawl ṭan a, hemi hnu hian Artur Akavov, Maciej Sulecki, Luke Keeler leh Liam Williams te hnehin a title hi a humhim.

Hollywood-a Williams nen an inhmachhawn ṭumah hian Andrade hian ṭan phatah a hnek tlu nghal a, hemi hnu hian kum 28 mi Welsh boxer hi nasa takin insiamṭha mah se Andrade hian hnehna a chang ta tho a ni.