Mi bik huangah Kobe Bryant
obe Bryant chu Naismith Memorial Basketball Hall of Fame-ah dah luh a ni dawn a, American star bakah hian midang pasarih chu basketball huanga hnuhma hnutchhiah ṭhate awmnaah hian lawm luh an ni bawk ang.
Basketball Hall of Fame hi Canadian physician Dr James Naismith hming chawia sak a ni a, ani hi basketball hmu chhuaktu a ni - he infiamna huanga mi hmingṭha, midangte tana entawn tlak leh mi ropuite chu lakluh an ni ṭhin.
Kobe Bryant a hun
NBA champion vawi nga ni tawh Kobe Bryant hi January thla khan helicopter chesualah a fanu kum 13 mi Gianna leh midang pasarih nen an thi.
Los Angeles Lakers fachuam Bryant hian 2016 khan basketball a chawlhsan tawh, 2008 khan Most Valuable Player atana thlan niin All-Star zingah vawi 18 ngawt a tel phak.
NBA commissioner Adam Silver chuan, "Kobe Bryant hi basketball ti hlutu leh ti ropuitu a ni a, khawvel puma chawi lartu zinga mi a ni bawk," tiin a sawi.
Midang chu
August 29 hian Springfield, Massachusetts-ah lawmluhna hi neih tur a ni a, legend Bryant bakah hian Tim Duncan leh Kevin Garnett te chu mi ropui zinga langsar zual bik an ni bawk.
Tim Duncan hi NBA champion vawi nga ni thei a ni a, San Antonio Spurs tan chuan mi ṭha chungchuang a ni. Lawmluh tur zinga mi Kevin Garnett pawh 2008 kuma Boston Celtics champion puitu kha a ni.
Kum 43 mi Duncan chuan, "Hun rei tak chhung basketball ka chenchilh a, nun hlimna tam tak min pe. Tuna ka tawn ang hi basketball tana ka hun hnuhnung hman dan tura ka duhthusam a ni," tiin a sawi.
Lawmluh turte
Kobe Bryant: NBA champion vawi nga a ni a, 2008 Most Valuable Player niin, NBA Finals bikah ṭum hnih MVP atan thlan a ni bawk.
Tim Duncan: All Star zinga vawi 15 tel thei a ni, San Antonio Spurs tan NBA champion vawi nga niin 2002 leh 2003 khan MVP a ni.
Kevin Garnett: 2004 MVP a ni a, 2008 khan Boston Celtics chu champion puiin, a thiam zual thlan chhuah All Star-ah vawi 15 a tel.
Eddie Sutton: NCAA Tournamen-ah Creighton, Arkansas, Kentucky leh Oklahoma State te a enkawl, a thiam pali zingah vawi thum an tel.
Rudy Tomjanovich: Player a nih laiin match tinah point 17.4 bakah rebound vawi 11 la ziah anga chawhrual theih a ni a, inkhelh a chawlhsan hnuah coach niin Houston Rockets a enkawl tawh.
Tamika Catchings: American hmeichhe player a ni. All Star zingah vawi 10 a tel a, Indiana Fever chu 2012 khan champion puiin MVP a ni.
Kim Mulkey: 2000 khan player a nih laia a thil tih vangin Hall of Fame-ah dah luh a ni tawh. Tunah chuan coach a nih vanga dah luh leh tur a ni! Baylor chu 2004, 2012 leh 2019 khan a champion pui. USBWA National Coach of the Year atan 2011, 2012 leh 2019 khan an thlang.
Barbara Stevens : Hmeichhe coach Stevens hian team a enkawl hnuah match 1,039 zet a naute a kaihruai tawh a, Clark, UMass leh Bentley te hlawhtling takin a enkawl.