Alexander Zverev a inpuang
Tennis khel thiam Alexander Zverev chuan kumin January thla vela a awm dan a inpuang a, coronavirus kha a kai ve nimaia a inhriat hnuhnawh thu a sawi chhuak.
Grand Slam hmasa ber Australian Open kha January-ah khelh a ni a, semifinalist Zverev chu kha tih lai khan damlohna in a tlak buak a, final thleng zo loin a zinkawng a tawp.
Tunah chuan tennis season hi an chawl lailawk mek tawh. Covid-19 vangin khawvel pumah mi 69,300 in an thih phah tawh, tuna a lan dan chuan hri kai leh thi an la awm belh zel dawn niin a lang.
Kum 22 mi Zverev chuan, "Nikum December 28 khan kei leh ka ṭhian Brenda chu China-ah kan kal. A hnu lawkah Australia ramah kan inkhel zui leh a, nidanga ka awm dan ni loin ka damlo.
"Hun rei lo te te kar danah ka khuh a, ni thum chhung vel chu ka khua a sik bawk. Kei ang bawkin Brenda khan harsatna a nei, khatih lai khan hri leng hi tun ang hian khawvelin a la buaipui nasa lo a, inrinhlelh nachang pawh kan hre lo," a ti.
World number 7 Zverev hi tun hnuah inringhlel leh hnuhnawh mah se hri leng a kai hriat a ni lo.