Under 17 Women's World Cup India-in thleng dawn

18th March, 2019

Kum 2020-a khelh tur FIFA Under-17 Women’s World Cup chu India-in a thleng dawn a, he thu hi March 15 zana Miami khawpuia FIFA Council ṭhukhawm chuan an tichiang a ni.

All India Football Federation (AIFF) president Praful Patel chuan, "FIFA-in kan chungah rinna an nghah avangin ka lawm a, India sorkar leh state sorkar hrang hrangin min thlawpnaah pawh ka lawm takzet," a ti.

Kum 2017 khan India hian FIFA U17 World Cup (Mipa) chu a thleng a, kum li chhunga India-in World Cup a thlen vawi hnihna tur a ni dawn tihna a ni.

FIFA U17 World Cup (hmeichhia) hi kum 2008 khan a vawi khat nan khelh ṭan niin New Zealand chuan a thleng a, kum hnih danah neih ṭhin a ni.

Spain chu champion lai an ni a, kum 2018 khan Uruguay-a inelnaah Mexico hnehin nomawi an chawi.