Club World Cup-ah team 24 tel tawh dawn

Football khawvela thuneitu sang ber FIFA chuan European club ho aṭangin dodalna tawng mah se Club World Cup-ah team 24 inel tawh ṭhin turin thutlukna an siam a, kum li dana khelh ṭhin tur niin 2021 aṭangin he dan hi hman ṭan a ni ang.

Tun dinhmunah Club World Cup hi kumtin December-ah neih ṭhin a ni a, khawmualpui paruk aṭangin team pasarih an inlan ṭhin - dan thar ang erawh chuan European club pariat, South American club paruk leh Africa, Asia leh CONCACAF aṭangin club pathum ṭheuh an tel dawn a, Oceania chuan club pakhat an thawh thei ve dawn bawk.

European Club Association (ECA) chuan thutlukna siam a nih hma hian thuchhuah siamin ECA club-te chu CWC dan thar duan a nih chuan an tel loh tur thu an sawi.

FIFA president Gianni Infantino chuan, "UEFA nen pawh inbiakna ṭha tak kan nei a, club ṭha ber ber an inlan theih ka beisei," a ti a, FIFA Council lamin an ruahmanna an pawmpui chu a lawm thu a sawi bawk.