CYMA Hockey champion a hriat ta Mipa - Durtlang; Hmeichhia - Sihphir

18th March, 2019

CYMA leh Hockey Mizoram ṭangkawpin an buatsaih LBS Suzuki Inter Branch YMA 5s Hockey Tournament chu Inrinni khan Chaltlang Field-ah khelh zawh a ni.

Mipa inelnaah Durtlang leh champion rinkai Kawnpui Venglai Red te hun pangngaiah 5-5 in an inhnehtawk a, penalty shootout-ah Durtlang 4-3 in an vannei ta zawk. Kawnpui player Lalchhantluanga chu best player a ni a, Durtlang tana goal 17 khungtu Lalrinkima chu top scorer a ni.

Hmeichhe inelnaah Sihphir chuan Lalrambeiseii goal li leh Lalsangzuali goal hnih hmangin Durtlang 6-2 in an hneh. Beiseii hian tun ṭum inelnaah hian goal 12 khungin top scorer a ni a, final-a goal hnih khungtu Sangzuali hi best player-ah thlan a ni.

CYMA leh Hockey Mizoram buatsaih inelnaah hian mipa team 15 leh hmeichhe team pariat an inel thung.