NECS Cup : Vawiinah BVT Vs Armed Veng

Vawiin chawhnu dar 1:00 hian NECS Cup Last 16-ah Bethlehem Vengthlang leh Armed Veng te Lammualah an inkhel dawn a, football thiam veng pahnih inkhel hi a hmuhnawm ang. Hemi hma hian Chanmari leh Hlimen te an inhmachhawn dawn a, Hlimen hi Electric Veng hnehtu an ni tih hriat tel a ṭha.

Armed Veng hi East Bengal player Lalramchullova'n a rawn ho thei tawh dawn a, ani awm lo pawha an ṭhat sa tawh avangin BVT tan khelh an harsa dawn. Chutihrualin BVT hian tualchhung player ṭha an kawl hnem a, an squad ṭha ber an an pho chhuak thei a nih chuan Armed Veng aiin an buk a rik zawk thei ang.

Nimin inkhelah Hualnghohmun chuan Lalrinhlua goal hmangin Chite an hneh a, Republic Vengin champion inbeisei zinga mi Bawngkawn chu 3-2 in an hneh bawk. Team pahnih hi quarterfinal-ah an inhmachhawn dawn a, NECS Cup leh CYMA Football-a an intawn hnuhnun ve veah vawi khat ve ve an chak avangin an inkhel tur hian ngaihven a hlawh ang.

Results & Fixtures
Last 16
March 16, Inrinni
Ramhlun South 0 - 0 Venghlui
Penalty Shootout-ah Ramhlun South 4-3 in an chak

Kanan 1 - 6 Chhinga Veng
KAN : R. Swapna 33'
CHH : Joel Lamuanpuia 16', 79'; Rochharzela 34', 67';
   Isaac Lalremruata 47', 80'

Nimin Inkhel Results
Chite 0 - 1 Hualngohmun
HUA : Lalnunhlua 36'
Republic Veng 3 - 2 Bawngkawn
REP : Malsawmdawngliana 17', 65'; F.Lalrinpuia 49'
BKN: Lalremruata 27'; H. Lalmuankima 43'

Vawiin Inkhel Tur
Chanmari 11:00 AM Hlimen
Bethlehem Vengthlang 1:00 PM Armed Veng

March 20, Nilaini
Lengpui 11:00 AM Khatla
Armed Veng South 1:00 PM Chanmari West

Quarterfinal
March 23, Zirtawpni
QF1 Hualngohmun 11:00 AM Republic Veng
QF2 Ramhlun South 1:00 PM Chhinga Veng
March 24, Inrinni
QF3 Lengpui/Khatla 11:00 AM AVS/Chanmari West
QF4 Chanmari/Hlimen 1:00 PM BVT/Armed Veng