HPC Cup ṭan nan Charity Match

Lunglei District FA buatsaih HPC Cup vawi kuana chu March 20, Nilaini hian khelh ṭan a ni dawn a, a khuh hawn nan Aizawl veteran leh Lunglei veteran ten Ṭhuamluaia Mualah Charity Match an khel ang.

Aizawl veteran hi tun hma player ṭha inhlawm khawm an ni a, Charity Match atan hian inpuahchahna ṭha tak neiin Lunglei veteran nen inkhel hmuhnawm phochhuah an tum.

Charity match aṭanga an pawisa hmuh hi Lunglei Civil Hospital poor fund-ah chhunluh a ni ang.