UEFA-in Ronaldo thubuai siamsak

Europe-a football thuneitu sang ber UEFA chuan Cristiano Ronaldo chu Atletico Madrid laka a goal khung mawi lo taka a lawm avangin thubuai a siamsak a, an hrem dan tur tak hi he thu buatsaih lai hian a la chiang lo.

Juventus hian Cham­pions League last 16 first leg-ah 0-2 a Atletico Madrid an ngam loh hnuin second leg-ah 3-0 in an lehthal a, quarterfinal an inpetkai.

Italian champion goal khung zawng zawng hi Ronaldo khung vek a ni a, Portuguese forward hian Atletico laka an tlawm ṭuma Diego Simeone chak lawm dan angin a goal khung a lawm a ni.

Atletico boss Simeone hi a chet dan avang hian UEFA chuan £17,000 (Nuai 15.46) chawi turin an lo hrem tawh.