Hmeichhe inkhel entu an tam

Europe-a hmeichhe football inkhel entu an tam ber ṭum ni turin Pathianni zan khan fans 60,739 chu Atletico Madrid khelmual Wanda Metropolitano-ah an pungkhawm a, Barca hian 2-0 in hnehna an chang.

Barcelona hmeichhe team tan hian Asisat Oshoala leh Toni Duggan te chuan goal khat ve ve an khung a, Atletico Madrid hmeichhe team lam hian a chhanletna tur an neih loh avangin an tlawm.

Europe-a hmeichhe football match khata inkhel entu tam ber record chu January khan siam a lo ni tawh a, Athletic Bilbao leh Atletico inkhel chu a hmunah mipui 48,121 zetin an lo en tawh a, he record hi khum a ni ta a ni.