Chhinga Vengin final round an lut

2nd Division League-ah Chhinga Veng chuan group hmahruaitu nichungin

final round an lut a, nimin tlai khan RG Stadium, Mualpuiah Jamshedpur FC Reserves nen 2-2 in an inhnehtawk.

Pathianni inkhelah New Barrackpore RAC-in Mohammedan Sporting an hneh avangin Chhingcows hian Jamshedpur Reserves an hmachhawn hma hauhin group hmahruaitu an ni tih an inhre tawh a, inkhel pawimawhna a tlahniam.

RG Stadium inkhelah Chhinga Vengin bul an ṭan ṭha a, Lalmuanzova (26') leh Lalrammawia (30') te hmangin first half-ah 2-0 in hma an hruai a, awlsam taka chak thei dinhmunah an ding. Amaherawhchu hun tawp lamah an inthlahdah a, Subhankar Sana (72') leh Jaypal Singh Sirka (88') te hmangin Jamshedpur-in an siphurh an sut a, 2-2 in inkhel a tawp.

League round match hnuhnung berah Chhinga Veng hian Manipur club Trau FC chu March 22, Zirtawpniah a hmachhawn dawn. Mizo club tan inkhel pawimawh a ni tawh lo a, Trau tan erawh 'thih leh dam' inkar a ni thung dawn.