Vawiin aṭangin CYMA Chess C'ship

CYMA leh Mizoram Chess Association ṭangkawpin an buatsaih LBS Suzuki 4th Inter Branch YMA Team Chess Championship chu vawiin chawhma dar 10:00 aṭangin Dawrpui Multipurpose Centre-ah khelh ṭan a ni dawn.

Inelnaah hian team 41 an tel a, March 22 thleng a awh ang. CYMA Chess C'ship-ah hian Swiss System 7 Round Robin a khelh tur a ni a, '60 minutes followed by 30 mins + 30 mins with 15 seconds increment' a khelh tur a ni.

Team khatah hian mi paruk an awm a, pahnih hi substitute niin branch khat aṭangin team pahnih aia tam a tel theih. Inelna kaihruai turte chu Tournament Director PC Lallianthanga, FIDE Arbiter ; Chief Arbiter Lalṭhazama, National Senior Arbiter bakah Dy. Arbiters pali C. Chhawntluanga, Micky Lalmuanpuia, Lalmuanawma Ralte leh Lalrosiama te an ni.