Barca leh Real coach hlui Antic a thi
Spanish club lian pathum Real Madrid, Atletico Madrid leh Barcelona enkawl vek thei awmchhun Radomir Antic chuSpanish club lian pathum Real Madrid, Atletico Madrid leh Barcelona enkawl vek thei awmchhun Radomir Antic chu April 6, Thawhṭanni khan Madrid-ah kum 71 mi niin a thi. Lutton Town legend Antic hi hun rei tak pancreatitis vangin a buai tawh a ni.
Antic hi November 22, 1948 khan Zitiste, PR Serbia-ah a piang a, defender niin Partizan-ah a inkhelh hun tam zawk a hmang a; Fenerbahce, Real Zaragoza leh Luton Town-ah te a khel bawk.
Kum 1988 aṭangin football club a enkawl ṭan a, a club hlui Real Zaragoza aṭanga bul ṭanin Spanish club dang Real Madrid, Real Oviedo, Atletico Madrid, Barcelona leh Celta Vigo te a enkawl tawh a. An ram Serbia team a enkawl hnuah Chinese club Shandong Luneng leh Hebei China Fortune te a kaihruai a, kum 2015 khan coaching career a ti tawp.
Antic hian Atletico hi ṭum thum a enkawl a, 1995-96 season khan La Liga leh Copa del Rey-ah a champion pui. Atletico Madrid president Enrique Cerezo chuan, "Atletico ṭantute leh football khawvel tan ni lungchhiatthlak tak a ni a, Atletico-in tun dinhmun a thlen theih nana mi pawimawh kan chan a ni. A hnuaia La Liga leh Copa del Rey kan chawi ṭum kha ka theihngilh dawn lo a, amah ka hria hi ka lawm hle a ni," tiin a sawi.
Real Madrid leh Barcelona te pawhin Radomir Antic an ui thu hi thuchhuah an siam ve bawk.