India hmeichhe team chak chiang

SAFF Women's Cham­pionship semifinal lut turin India chuan 5-0 ngawtin Sri Lanka an sawp a, he inelnaa match 21 chhung tlawm hmel hmu loa an kaltluan tawh chu an chhawm nung zel bawk.

India hmeichhe team tan hian Grace Dangmei, Sandhiya Ranganathan, Indumathi Kathiresan, Sangita Basfore leh Ra­tan­bala Devi-te chuan goal khat ṭheuh an khung a, Sri Lanka lamin a chhan­­letna tur an nei ve lo.

India hmeichhe team hian Group B-a match hnih an khelhah hnehna chang ve vein goal an chhuah miah lo a, group hmahruaitu nichungin semifinal hi an lut.

Nepal-a neih inelnaah hian Indian hian vawiinah semifinal an hmachhawn lehnghal dawn a, Group A-a pahnihna Bangladesh nen final luh an inchuh dawn a ni.

India Starting XI: Aditi Chauhan (GK) (70' Linthoingambi Devi); Jabamani Tudu, Ashalata Devi, Sweety Devi (46' Lako Bhutia), Dalima Chhibber; Sangita Basfore, Ratanbala Devi, Indumathi Kathiresan (57' Anju Tamang); Sanju, Grace Dangmei, Sandhiya Ranganathan