India vs Pakistan : ICC hotupa a hlauthawng lo
International Cricket Council CEO Dave Richardson chuan Cricket World Cup-a India leh Pakistan inhmachhawn tur chungchangah hlauhthawnna engmah a neih loh thu a sawi a, ruahman angin 'a thleng ngei ang' a ti.
India leh Pakistan hi ruahman sa ang chuan June 16-a World Cup match-ah inhmachhawn tura tih an ni a, mahse thla hmasa lawka Pulwama-a firfiak chetna chungchangah India chuan Pakistan hi a dem a, hemi avang hian Board of Control for Cricket in India (BCCI) chuan ICC chu World Cup aṭanga Pakistan paih tur hian a lo ngen tawh hial.
Mahse, ICC CEO chuan, "ICC hnuaia inelna hmachhawn tur hian team zawng zawngin contract an nei sa vek a ni," a ti a, India tan Pakistan huat vanga inkhelh loh ngawt chi a nih loh thu a sawi.
2019 Cricket World Cup hi England leh Wales-in an inthlen ṭawm dawn a, Manchester khawpuia India leh Pakistan inkhel tur hi ngaihven hlawh ber pawl niin ticket lei duh pawh mi maktaduai dawn an awm tawh a ni.