CYMA Chess C'ship ṭan a ni

CYMA leh Mizoram Chess Association ṭang­­kawpin an buatsaih LBS Suzuki 4th Inter Branch YMA Team Chess Cham­pionship chu nimin khan Dawrpui Mul­tipurpose Centre-ah khelh ṭan a ni.

Inelnaah hian team 41 tel turin hming pe mah se team khat an inhnuhdawh avangin team 40 an inel. CYMA Chess C'ship-ah hian Swiss System 7 Round Robin a khelh tur a ni a, '60 minutes followed by 30 mins + 30 mins with 15 seconds increment' a khelh a ni.

Nimin khan round sarih khelh turah round hnih zawh a ni a; Bethle­hem Vengthlang-1, Dawr­pui Vengthar, College Veng 'A', Khatla, Dinthar, Maubawk leh Mission Veng ten an khingpui pa­hnih hneh ve vein table chung lamah an awm.

Swiss System 7 Round Robin a nih avang­­in tla an awm lo a, chu­­tihrualin point sang ber hian anmahni hnaiha an la hmachhawn loh zel an khelhpui avangin team zawng zawng intum chhuak dawn lo mah se inelna hi kalphungah hian sawisel tur a awm lo.