Mizoram Pachak zawnna a hmuhnawm

Mizoram Pachak zawnna chu nimin khan Zarkawt Recreation Centre-ah neih chhunzawm a ni a, Motor pawh kal leh Weight plate 20 kgs inchar rei siak hmangin inelna hi neih a ni.

Hmahruaitu nilai P. Lalchamliana chuan nimin bikah hian point 30 hmuh belhin pakhatna dinhmun a sawhnghet a, pathumnaa awm Ngurthanzauva Sailo chuan point 30 bawk hmuin Abraham Lalṭhakima rawn lehthlalin pahnihna dinhmun a rawn luah ve bawk.

Chutihrualin nimin bikah erawh Lalhriatrenga'n point 33 hmuin point a hmu sang ber a, amaherawhchu round hmasa lama a chet ṭhat loh avangin palinaah a lungawi a ṭul. Inelna hi March 22, Zirtawpni hian chhunzawm a ni dawn a, hetah hian Lei aṭanga motor inchawi kan tam siak. leh Koki a rit pu chunga ṭhutpui a thawhpui leh (Squat Maximum) hmangin inelna hi neih a ni ang.

Closing Ceremony hi Hawla Auditorium-ah March 30, Inrinni zanah neih a ni ang a, hetah hian Thingtum inchar tam siak (log press) hmangin inelna hi neih tur a ni.