West Brom hotupain a hlawh a la dawn lo
Championship club West Bromwich Albion chief executive Mark Jenkins chuan coronavirus vanga UK-a in lockdown chhung chu a hlawh a lak loh tur thu a sawi a, an club management lama hnathawk senior-te chuan an hlawh tih hniam an tum thu a sawi bawk.
Jenkins chuan, "Hmachhawp neih thiam a harsa em em a, tuna kan ngaihtuah theih chu he hun harsa taka kan club talchhuah theihna tur hi a ni. Emergency service leh NHS-a hnathawkten he hun harsaah min pui reng a, anni puih let ve hi kan duh bawk.
"Indopui hnua football-in a la tawn ngai loh thil rapthlak tak kan tawng mek a, eng nge kan hmachhawn zel dawn a hriat loh. Football khelh leh theih a nih huna kan club a talbuai lohna tur hi kan ngaihtuah lian ber chu a ni," a ti.
Jenkins hian an club hnuaia non-playing staff ten hlawh a kim biaia an lak theih nan sorkar scheme hman an rilruah a awm thu a sawi a, "Mahse, tun atan chuan a la ni lo. Rei leh zual zawk chawlh a ngaih erawh chuan ngaihtuahna sen ṭhat a ngai ang," tiin a sawi.