Steven Gerrard leh a nauten hlawh la tlai dawn
Rangers coach Steven Gerrard chuan coronavirus hri leng avanga an club-a non-playing staff-ten hlawh ṭha taka an lak theih nan thla thum lo awm tur atan hlawh lak rih loh a rem ti a, Gerarrd bakah hian club executive, coaching staff leh first team squad-te chuan an thla thum hlawh hi an la dawn rih lo a ni.
Liverpool legend Gerarrd chuan, "Ka tan chuan ngaihtuahna sen buai ngai loin ka hria a, kan tih tur dik tak kan ti mai a ni. Player, director leh staff-ten an duh thu ngeia he thutlukna an siam hian min ti lawm takzet a ni," a ti.
Rangers pawhin thuchhuah siamin an coach, club thuneitute leh player-te inpekna chu an fak a, "An thawhpuiten an hlawh 100% an lak theih nan an in hlan a ni," an ti a, hetihrual hian an club hnuaia hnathawk engemaw zat chu sorkar scheme hnuaia 80% hlawh la tura an ruahman tho a ngaih thu an sawi tel bawk.
Scottish club chuan, "Coronavirus hri leng vangin harsatna lian tak tak kan tawk a, staff engemaw zat chuan sorkar-in Coronavirus job retention scheme-a siam kaltlanga hlawh 80% an lak a ngai dawn. 20% kan tum dawn a, hei hi kan vaia 100% hlawh kan lak theihna tura tih a ni," an ti.
Scottish football chu March aṭang khan tiam chin awm loin chawlh mek a ni a, league-ah Rangers hi pahnihna ni mekin Celtic chu match khata khel tlem chungin point 13-in an phak lo.