Heat lakah Nets an tlawm

Nimin zing NBA regular season inkhelah Brooklyn Nets chu Miami Heat lakah 109-107 in an chak lo. Team pahnih an inhnehtawk dawn nia a lan hnuah Bam Adebayo chuan Heat tan hun tawp rual chaihin chakna basket a nei.

Nets star Kevin Durant chu quarter khatna lekah malpui vei lam hliam vanga lakchhuah a ngai a, player pawimawh tel lo chuan Nets an hriam tawk lo deuh. American guard hi a chawlh chen tur hriat a la ni lo.

Nets guard Kyrie Irving chuan, "Inkhelh laklawh laia kan ṭhiante hliam tuar an awm a nih chuan rilru a nghawng ṭhin. Kevin kha hliam damkawr mai a la ni a, natna dang a nei leh kha a pawi takzet," a ti.

James Harden pawh malpui hliam vangin a chawl mek a, season hmasa lama inlan thei lo Durant inhliam leh ta hi Nets tan chuan channa nasa tak a ni ang. Golden State Warriors player hlui hi kuminah pawh hliam vangin a lo chawl reng tawh bawk.