Man United chakna Greenwood

Manchester United-in Pathianni zan khan Old Trafford-ah Burnley 3-1 in an hneh a, Premier League table-ah pahnihna dinhmun an sawhnghet.

Old Trafford-a inkhelah hun chanve hma lamah goal a lut lo. Second half ṭantirhah Edinson Cavani lutin minute 48-naah Mason Greenwood hmangin United-in goal khung nghal mah se Burnley tan James Tarkowski-a'n Harry Maguire aia zuang sang zawkin minute hnih hnuah siphurh an sut.

Ole Gunnar Solskjaer leh a hote an talbuai a, minute 84-naah Donny van de Beek a lut. Man United-in goal an khung zui nghal a, Greenwood-a'n goal pawimawh a khung. Hma an hruai nawn hnuah mualneitu lam hian nuam sain an khel a, injury time-ah Cavani-a'n khung belhin 'team goal' mawi tak a ni.

Man United hian match ruk khelh hmabakah point riatin Man City an pha lo a, vanneih tawp khawk chuan la champion thei an ni. Solskjaer chuan,"City kan um pha thei ang em? Football-ah hian thil mak tak taka thleng tawh," tiin beiseina an la neih thu a sawi.

Solskjaer hian player anga Old Trafford a zawm ṭum kum 1996 khan Sir Alex Ferguson-a hote chuan point 12-a hmahruai tawh Newcastle chu lehpelin an champion.