Haaland-a'n goal a khung ve leh ta

Erling Haaland-a'n match sarih chhung Norway leh Borussia Dortmund tana goal a khung loh hnuah goal a khung leh ta a, Pathianni zan khan Dortmund-in Werder Bremen 4-1 in an hneh.

Signal Iduna Park-ah Werder Bremen-in Milot Rashica hmangin minute 14-naah khung hmasa mah se Dortmund-in Haaland-a goal hnih bakah Giovanni Reyna leh Mats Hummels te goal hmangin an lehthal.

Dortmund hian match 29 aṭangin point 49 an hmu a, panganaah an awm. Bundesliga-ah team 18 chiah an awm avangin season khatah match 34 khelh tur a awm a, Dortmund hian match nga khelh tur la awmah point liin palinaa awm Eintracht Frankfurt an la pha lo a ni.