French Open khel tur Federer

Roger Federer chuan French Open a khelh tur thu a tichiang a, clay court inelna lian a hmachhawn hma hian Geneva Open a khel ang - Roland Garros hi May 30 aṭanga khelh tur a ni.

Kum 39 mi Federer hi a khup hliam vawi hnih zai a ni a, January, 2020 hnuah Grand Slam inelna a la hmachhawn leh lo. Thla 14 zet a chawlh hnuah thla hmasa khan Qatar Open a khel leh thei tawh a, tunah hian in lamah training a nei mek bawk.

Swiss star hi a vanglai pawhin clay court-ah a che ṭha vak ngai lo. French Open-ah hian 2009 khan nomawi a chawi a, a dangah chuan Rafael Nadal a ngam ngai meuh lo, kuminah beiseina thar nen khelh ngei a tum.

Season hmasa khan Nadal-a'n Paris khawpuiah hlawhtlinna a chang a, major title lak hnem lamah Federer (20 titles) a nih rual chiah. Player ropui pahnih hian kuminah French Open an khel a nih chuan ngaihven a hlawh zual ngei ang.