Celtic beiseina thamral tirtu Rangers

Kum li zet a zawna Scottish Cup champion an nih hnuin Celtic-in tun season-ah an nomawi an humhim dawn lo - an beiseina titawptu chu league lama an kawng daltu Rangers tho an ni.

Rangers hian Scottish Cup fourth round-ah 2-0 in Celtic hi an hneh a, Steven Davis chuan minute 10-na lekah goal hmahruai khungin Celtic right back Jonjoe Kenny chuan an lamah a ti lut bawk.

Tun season-ah Old Firm derby vawi li khelh a ni tawh a, Celtic an la chak ve lo - vawi thum chu Rangers an chak a, vawi khat an inhnehtawk thung.

Steven Gerrard enkawl Rangers hian April 25 zanah St Johnstone chu semifinal luh inchuhin an hmachhawn dawn a, league-ah an champion tawh bawk avangin nomawi pahnih chawi beiseina an nei mek.

Celtic erawh league-ah Rangers an phak loh bawk si avangin kum 2010 hnua a vawi khat nan nomawi chawi nei loin season an khar dawn a ni.