Mizoram Open Taekwondo Championship an ṭan

Mizoram Amateur Taekwondo Association(MATA) buatsaih Mizo­ram Open Taekwondo Championship vawi 14- na chu nimin khan Electric Veng Indoor Stadium-ah ṭan a ni a, inelna hi ni 3 awh tur a ni.

Hawnna inkhawmah hian MATA Mission Team ten an thiam thil hmuhnawm tak an entir a, khuallian MSSC Secretary C.Laltlanthanga chua, "Inelnaah champion a ṭha a, chumi tur chuan duhsakna pawh ka hlan a che u. Chutihrualin Gold medal hi a pawimawh ber lova, nungchang entawntlak nun neih a pawimawh zawk," tiin kalkhawm te a fuih.

Championship-ah hian district paruk - Aizawl, Lunglei, Lawngtlai, Champhai, Kolasib leh Serchhip aṭangin team 24 an tel a, team official telin particpant zawng zawng hi 420 an tling. Participant naupang ber chu Armed Veng South naupang Lalrinsangi a ni a, kum hnih leh thla 5 a ni.

Inelna hi national leh state referee 23 ten an endik ang a, Poomsae leh Kyorugi hmanga inel­in mimal lawmman bakah team lawmman pangana thleng pek an ni ang. March ni 22 hian khar a ni ang.