Ram pakuain hmeichhe World Cup thlen an duh

Kum 2023-a FIFA-in hmeichhe World Cup a neih tur atan ram pakua ngawtin inelna hi thlen an duh thu FIFA an hrilh a, hmeichhe World Cup thlen diltu an tam ber ṭum a ni.

Ram mal angin Argentina, Australia, Bolivia, Brazil, Colombia, Japan, New Zealand leh South Africa te chuan hmeichhe World Cup hi thlen an dil a, North leh South Korea chuan inthlen ṭawm turin dilna hi thehluh an tum bawk.

FIFA chuan ram tin hian April 16 thleng pangngai taka dilna thehluh hun an nei tih an sawi a, World Cup thleng tur thlanna kawngah fimkhur taka hma an lak tur thu an sawi.

Kum 2019 hian hmeichhe World Cup hi khelh a ni dawn bawk a, June 7 leh July 7 inkarah France-ah he inelna hi neih a ni ang.