Tokyo Olympic-ah robot hmang dawn

Kum 2020-a Olympic leh Paralympic Games thleng tur Tokyo chuan khawvel hmun hrang hrang aṭanga infiammi te fuankhawmna hunah hian 'robot' an hmang dawn a, ngaihven a hlawh nghal hle.

Tokyo khawpuia robot hman turah hian wheelchair hmangte chu robot hian an ṭhutna hmunah ei leh in tur a pe ṭhin dawn a ni.

Power assisted suits (thawmhnaw, mihring hnathawh kawnga pui thei) chu hman a ni dawn bawk a, hei hi hnathawkten thil rit tham an chawi dawn velah te a ṭangkai dawn a ni.

He project kalpuitu zinga an hotupa Hirohisa Hirukawa chuan, "Kan ruahmanna hi mipui hmuh theiha robot pholan ringawt a ni lo a, mahse mipui ṭanpuina kawnga an ṭangkai theihna pholanna remchang a ni bawk.

"Tokyo 2020-ah hian infiamna ringawt a awm dawn lo a, robot 'cool' tak tak pawh kan hmu tel dawn tihna a ni," tiin a phur hle.