Armed Veng an relegate

Mahuma Memorial Cricket-ah nimin khan Kulikawn chuan Armed Veng chu innings khat leh run 72 in an hneh a, final lut turin beiseina an nei a. Chak lo zawk Armed Veng erawh an relegate.

Armed Veng hi ṭhumvawrah chakin an bat hmasa a, run 170 siam mah se Kulikawn-in Lalbiaktluanga 102* (158) leh Michael Lalremkima 66 (90) te hmangin run 346 zetin an chhanglet a, mi paruk chauh an thi chungin an duh tawk.

Second innings-ah Armed Veng-in run 100 chiah an siam a, Kulikawn an chak. Armed Veng an chak loh avangin Bawngkawn South hnung zuiin an relegate. Kulikawn erawh hmahruaitu lailawk niin inkhel dang result a zirin final lut thei dinhmunah an ding.

Vawiin hian Chhinga Veng leh Ramhlun Venglai te an inkhel ang a, Thawhṭanni hian Zarkawt Lords leh Bawngkawn South te an inkhel ang. Chhinga Veng leh Lords te hi an chak dan a zirin final lut thei ve ve an ni.