March 26 aṭangin Basketball Festival

LB Associates Baseline Basketball Festival chu March 26-30 hian Zarkawt Recreation Centre-ah neih a ni dawn a, Mizoram Basketball Association (MBBA) hriatpui niin Reform buatsaih a ni.

Festival hi event pangaah inelna buatsaih a ni dawn a, chungte chu 3x3, 3pts Shootout, Halfcourt Shootout, Skills Challenge leh Duo Challenge te a ni a. 3x3 bikah mipa leh hmeichhia-ah a neih a ni dawn a, mipa-ah hian U-12, 14, 16, 18, Open & Above 30 ah a awm dawn a, hmeichhia-ah hian Under 18 leh Open a awm ang.

Entry fee hi Rs 300 a ni a - Samsung Plaza, Sikulpukawn; Skipper Sports, Zarkawt leh ZM Electricals, Ramhlun North-ah March 23 thleng pek theih a ni ang a. Shootout leh Challenge bik hi a hmunah entry fee pek theih a ni ang.