Monte Carlo-ah Rafael Nadal inlan dawn

Rafael Nadal chu a khup hliam a dam chho mek a, April thla laihawla neih tur Monte Carlo Masters buatsaihtu lam chuan Spanish player hi inlan tur zingah a hming an ziak lut.

World number 1 Nadal hian Monte Carlo-ah sulhnu a nei ṭha hle, 2005-13 chhung khan a zawnin match 46 ngawt hnehna a chang zawk a, nomawi vawi 11 chawi tawh bawkin heng a sulhnu pahnih hi record ṭha ber an ni.

Kar hmasa khan Nadal hi Indian Wells-ah a inlan a, semifinal-ah Roger Federer nen inkhel tur ni mah se khup hliam vangin a inlan thei lo. He a hliam vang hian tunkar leh kar leh chhunga khelh tur Miami Open-ah pawh a inlan thei lo.

Kum 32 mi Nadal tan Monte Carlo-a bul ṭan theih hi duhthusam a ni. Clay court hi Nadal-a inkhelh thiam­na hmun a ni a, vawi 11 a champion tawhna French Open atana inbuatsaihna hun ṭha a ni ang.