SAFF hmeichhe champion India

India hmeichhe team chuan South Asian Football Federation-a hmeichhe football an thunun an chhunzawm zel a, a zawna vawi nga SAFF champion an nihna turin nimin khan SAFF Women's Championship-ah Nepal chu 3-1 in an hneh.

Biratnagar, Nepal-a inkhelah hian Dalima Chhibber chuan minute 26-na lekah India tan goal hmahruai a khung a, Nepal hian Sabitra Bhandari hmangin second half-ah si phurh rawn sut vat mah se India hian second half-ah Grace Dangmei leh substitute Anju Tamang hmangin goal an khung leh a, 3-1 a hnehna changin an champion ta a ni.

India hmeichhe team hian final lut turin Group B-a an awmpui Sri Lanka leh Maldives an hneh ve ve a, semifinal-ah Bangladesh chu 4-0 ngawta sawpzuiin final an lut a, an champion zui - SAFF Women's championship-ah hian a zawnin match 23 chu an tlawm tawh lo.