Chess thiam ber Khatla

LBS Suzuki 4th Inter Branch YMA Team Chess Championship chu nimin khan Dawrpui Multipurpose Centre-ah khelh zawh a ni a, round 7 thleng an khelh hnua che ṭha ber Khatla an champion.

Khatla hnung chiahah hian champion lai Bethlehem Vengthlang-A an awm a, anni hi champion leh tura beisei ni mah se Khatla lakah an nomawi an hloh a ṭul. Chanmary, Lunglei leh Chawngtlai ten an zui leh a ni.

Inelnaah hian team 41 tel turin hming pe mah se team khat an inhnuhdawh avangin team 40 an inel. CYMA Chess C'ship-ah hian Swiss System 7 Round Robin a khelh a ni a, '60 minutes followed by 30 mins + 30 mins with 15 seconds increment' a khelh a ni.

Inelna Kalhmang
1. Chak zawk nih dan : Pair khat (team 2) inkhel te hi player pali ve vein board paliah an inkhel a, board hnih ve vea an chak (2-2) hian an inhneh tawk tihna a ni a. Board hniha chak, board khata draw leh board khata chak loh (2½ - 1½) hi chak zawk nih theihna hniam ber a ni a, 3-1, 3½ - ½ leh 4-0 te hian chak theih a ni bawk.
2. Chak hian point 2 an hmu a, chak lo hian point an hmu lo. An inhnehtawk erawh chuan point khat ve ve an hmu.
3. Tlak a awm lo. Knockout system leh round robin kaihkawp swiss system hmanga khelh a ni.