Russell-a'n ngaihdam a dil

Formula 1 driver George Russell chuan Valtteri Bottas laka a chet danah ngaihdam a dil a, thil thleng chu ama tihsual a nih avangin hremna hmachhawn a ṭul a nih pawhin a inhuam thu a sawi.

Pathiannia tlan zawh tak Emilia Romagna Grand Prix-ah khan Russell hian a hma a awm Bottas tlan pelh a tum a, mahse tih fuh tawk loh a neih avangin driver pahnih hi chesual zuiin an tlan chhunzawm ve thei lo.

Williams driver Rus-sell chuan, "Tun kara thil thleng aṭang khan zirlai pawimawh tak ka zir chhuak. Valtteri, ka team leh thil thleng avanga lawm lo zawng zawng chungah thinlung takin ngaihdam ka dil.

"Intlansiak kan nih avangin chak tuma bei vek kan ni a, kei pawhin chu chu ka thil tum a ni. Hlawhtlin ka tumna lama midang harsatna ka siam avangin a pawi ka ti, tihpalh chu ni mah se midang tana thil ṭha lo thlen hi ka duh ngai lo," a ti.

Emilia Romagna Grand Prix-ah khan Max Verstappen-a'n hnehna a chang a, a hnungah world champion ni lai Lewis Hamilton a thleng thung.