Volleyball inelna chawl rih dawn

Aizawl District Volleyball Association buatsaih D-3 Business Enterprise ADVA Super League chu hrileng vangin khelh chhunzawm theih a ni rih lo. Sorkarin inkaihhruaina thar a siam hunah, infiamna kalpui a remti a nih chuan khelh chhunzawm leh a ni ang.

Thawhṭannia inelna neihah Martin Spike chuan Armed Veng South lakah 3-2 (22-25, 24-16, 26-14, 25-22, 15-12) in hnehna an chang a, inelna neih laiah a vawi li nan hnehna an chang.

Inkhel dangah Fel Fel chuan ITI Veng GSA chu 3-0 (25-18, 25-10, 25-22) in an sawp. Matty Volleyball Club, Rangvamual chuan (3-2) 23-25, 20-25, 25-22, 25-23,15-10 in Tachhip an hneh bawk.

Match ruk an khelh tawh chinah Tuikual North chuan vawi nga hnehna changin table-ah hma an hruai a, an hnuaiah hian vawi li chak tawh - Ṭhuampui, Armed Veng South leh Martin Spike te an awm.