Daniele de Rossi a chawl ta

Italy legend Daniele de Rossi chuan football khawvel a mangṭha ta a, kum 36 mi nichunga a chawlh thu puangtu midfielder hi khelmual chhungah kan hmu tawh dawn lo.

De Rossi chuan, "Khawvela player ṭha ber ber hmachhawnin hun ka hmang a, ka career atana ka duhthusam te chu ka hlawhtlintir a ni. Ka hun hman danah ka lawm a, ka hmangaih em em team pahnih tan ka khel thei. Pakhat chu ka tan engkim an ni a, pakhat zawk chuan duat takin min kuah a ni," a ti. 

Rossi hian 2001 khan AS Roma-ah a professional career a ṭan a, match 616 a khelhsakah goal 63 a khungsak. Italian club tan hian Coppa Italia (2) leh Supercoppa Italiana (1) nomawi a chawi a, Italy tan match 117-a khelhsakah goal 21 khungin kum 2006 khan World Cup nomawi a chawipui. 

Nipui lai khan Roma hian club director ni turin an sawm a, mahse hei hi hnarin Boca Juniors a zawm. Mahse, Argentine club-ah hian hlim vangin match ruk chiah a inlan a, a career a mangṭha ta. Roma chuan, "Football career duhawm tak chu a lo tawp ta a, kan hun tawn zozai avang khan lawmthu kan hrilh che, Daniele," tiin Roma chuan an legend an mangṭha a, Serie A Young Footballer of the Year (2006), Serie A Italian Footballer of the Year (2009), Italian Athlete of the Year (2010) leh UEFA Euro Team of the Tournament (2012) chawimawina te a dawng hman.