Super League kalpui theih a ni lo - Agnelli

Juventus chairman Andrea Agnelli chuan European Super League aṭanga Premier League club paruk an inhnuhdawh avangin inelna kalpui theih a nih loh thu a sawi.

Angelli chuan, "Tlang taka sawi chuan inelna kaltlangpui theih a ni lo. Chutihrualin Super League kalphung ṭhatna erawh ka chiang a, khawvela inelna ṭha ber ni turin theihna a awm. Amaherawhchu tun dinhmunah chuan kaltlang pui theih an ni dawn lo," tiin a sawi.

Super League awm theihna tura thluak bur pakhat Agnelli hian inelna a hlawhtlin theih nan European Club Association (ECA) chairman hna kalsanin Super League-ah hian vice chairman a ni. English club an inhnuhdawh tak avangin ESL hi a zuih ral a rinawm.

Atletico Madrid, Inter Milan leh AC Milan te pawhin English club hnung zuiin nimin tlai khan an inhnuhdawh thu an puang. Barcelona pawhin ESL kalphung duh mah se fan-te duh dan an ngaih pawimawh tur thu an sawi. Real Madrid, Juventus leh AC Milan tan hmalak a harsa tawh ang.