Pawngsual thubuaiah Gohain-an thiam chang

Gauhati High Court chuan Assam BJP MP leh Minister of State for Railways, Rajen Gohain chu pawngsual thu­buai a neihah thiam a chantir.

Minister of State for Rail­ways Rajen Gohain hi nikum khan hmeichhia kum 24 mi pawngsuala puh a ni. Report chuan Gohain puhna hi thu dik lo a nih avangin pawngsual tawk nia insawi pawh hi a inhnukdawk tih a tarlang.

Thiam chantir a nih takah chuan Rajen Gohain hi Lok Sabha inthlanah Nagaon-ah a din rin a ni bawk.

Nikum August thla khan hmeichhia kum 24 mi chuan Gohain lakah hian FIR thehlutin a pawngsual niin a sawi a, Indian Penal Code section 417 (punishment for cheating), 376 (rape) leh 506 (criminal intimidation) hnuaiah Gohain lakah hian thubuai ziahluh nghal a ni.

Gohain hian kum 1999 aṭang khan Nagaon Lok Sabha constituency ai hi a la awh char char a ni. Pawngsual tawk nia insawi hi amah ngei court-ah kalin case hnukkir leh tur hian a ngen nghe nghe a, mahse court chuan an pawmsak lo a ni.