Zarkawt Lords-in final an lut

Mahuma Memorial Cricket Tournament khelh mekah Zarkawt Lords chuan nimin khan wicket liin Bawngkawn South an hneh a, final an lut - Kulikawn CC chuan final an lo lut tawh. Final hi April 5&6-ah khelh a ni ang.

Bawngkawn South hian first innings-ah run 139 siamin wicket 10 an hloh a, Zarkawt Lords-in run 216 siamin wicket 10 an hloh thung - Lords tan wicket nga latu Pratik Pratap Desai chuan run 110 a vaw chhuak.

Second innings-ah Bawngkawn South tan Marty Lalrinhlua chuan run 70 rawn siamin over 38.2-ah a team hi run 188 a rawn tlinpui. Mahse, Zarkawt tan Pratik (110 runs) bawk che ṭha nawnin over 62.3-ah run 216 a rawn tlinpui a, wicket liin a team hi hnehna a chanpui ta a ni.