MFA Women's League Vakiria FC inlan hun

Mizoram Football Association-in hmeichhe puala inelna changtlung zawk an buatsaih MFA Women's League chu vawiin hian Lammualah khelh chhunzawm a ni dawn.

Chhun dar 12:30-ah Vakiria FC leh Siaha District FA an inkhel dawn a, Vakiria hi an vawi khat inlanna tur niin Siaha hian an match hmasa berah G&SA ITI an hneh lo.

Chawhnu dar 2:30-ah G&SA ITI leh Chanmari Women FC te an inhmachhawn dawn. Chanmari hian an match hmasa berah Maubawk Women FC chu 2-0 in an hneh.

Women's League-ah hian team panga - Siaha District football Association, ITI Veng Games & Sport Association, Maubawk Womens Football Club, Chanmari Womens Football Club leh Vakiria FC te an tel a ni.

March 26, Thawhlehni
Chanmari Women FC 2 - 0 Maubawk Women FC
CWFC : Elizabeth Vanlalmawii 25'; Lalramdintluangi 39'
G&SA ITI 2 - 1 Siaha District FA
ITI : Ruthy Lalrinmawii 4'
SIA : Vanlalhriati Bawihtlung 42' (P); Vanlallawmawmi 63'

March 28, Ningani
Siaha District FA 12:30 PM Vakiria FC
Chanmari Women FC 2:30 PM G&SA ITI