Bucks lakah Rockets an tlawm

NBA season kal laia Most Valuable player nei thei tura ngaih pahnih James Harden leh Giannis Antetokounmpo te nimin khan an intawng a, Eastern Conference hmahruaitu Milwaukee Bucks chuan Houston Rockets 108-94 in an hneh.

Fiserv Forum-a inkhelah Bucks tan Antetokounmpo chuan point 19 a score bakah rebound vawi 14 a la bawk a, point nei hnem ber erawh Eric Bledsoe (23points) a ni thung.

Rockets star Harden-a'n point 23 a nei a, MVP nilai hi player dang chunga leng ni mah se Bucks laka a team chakpui turin nidanga a khelh ṭhin dan a phak lo. Team pahnih hi regular season chhung chuan an inkhel tawh dawn lo a, tun season chhungin an inkhel leh dawn a nih chuan NBA Finals a nih a ngai tawh dawn.

Nimin zing inkhel dangah Los Angeles Clippers chuan 122-111 a Timberwolves hnehin Western Conference lamah pangana an ni a, playoff an khel dawn tih a chiang nghal bawk.

Western Conference aṭang hian hmahruaitu Golden State Warriors, Denver Nuggets, Trail Blazers, Houston Rockets leh Clippers ten playoff an khel dawn tih a chiang tawh a, hmunruak dang pathum luah tur erawh a la chiang rih lo a ni.