Zaninah Leeds Vs Foxes

Leeds United-in zanin dar 1:30 hian Elland Road-ah Leicester City an mikhual dawn. Foxes hi season liam taa hun rei zawk palina dinhmuna an awm hnuah panganaah an awm a, tun season-ah pawh Champions League khel pha tura ngaih an ni.

Leeds United hi tun hmain ropui mah se tun season-ah erawh kai thar an ni a, chutihrualin Premier League khel tur hian Championship-ah an champion a, Marcelo Bielsa enkawl an nih bawk avangin en liam chi an ni lo.

Leeds hian tun season-ah result duhawm tak tak an nei tawh a, champion rinkai Manchester City chelh thei an nih bakah tun season bul ṭan ṭha Aston Villa 3-0 in an sawp. Villa nen hian English striker Patrick Bamford-a'n hattrick a siam a, zaninah pawh en bik a hlawh ang.

Leicester City lamah Jamie Vardy a rawn che ṭha chho a, Vardy hi upat lama lar ni mah se chakpui tham striker leh league nomawi hial chawi tawh a ni a, Elland Road inkhelah goal a luh ngei a rinawm.