Miami Open quarterfinal-ah Barty

Nimin zing khan Ashleigh Barty chuan Petra Kvitova hnehin Miami Open quarterfinal a lut a, seeded pathumna Kvitova hian world number 1 nih theihna hun ṭha a neih chu a bawhpelh.

Last 16 inkhelah Barty hian 7-6 (8-6), 3-6, 6-2 in hnehna a chang, semifinal-ah chuan Anett Kontaveit a hmachhawn leh ang. Kontaveit hian Taiwan nula Hsieh Su-wei chu 3-6, 6-2, 7-5 in a lo hneh ve bawk a ni.

Australian nula Barty hian Kvitova nen an intawn vawi ngaah a ṭum khat nan hnehna a chang ve chiah a, Miami Open final lut chunga number 1 ni thei mai tur Kvitova beiseina a tih tawp sak nghal bawk.

Hmeichhe tennis world number Naomi Osaka chu Australian Open hnuah a khel ṭha tawk lo, tuna inelna an neih laiah hian world number 3 Simona Halep-i'n final a lut phak a nih chuan karleha ranking chhuak tharah a chung ber luahtu a ni ang.