Chapecoense chhiatnaa dam chhuak a thi

November 2016-a Brazilian club Chapecoense thlawhtheihnaa chesuala chuang zinga dam chhuak, football journalist Rafael Henzel chu football a khelh laiin thaw hah vangin a thi.

Copa Sudamericana final khel tura zin chhuak Chapecoense club-te chetsualnaah khan mi 71 ngawtin nunna an chan a, mi paruk dam chhuak zingah Henzel hi a tel.

Mahse, nimin khan an inkhelhna lamah Henzel hi lung lam ṭha lo avangin a talbuai a, damdawi in panpui thuai ni mah se chhan hman a ni ta lo a ni.

Chapecoense chuan, "A zinkawng ngaihnawm takah khan Chapecoense thawnthu chu ngaihnawm takin a puang zar a, he club indinthar leh nana mi pawimawh tak niin he club chuan kan hre reng ang," tiin thuchhuah an siam.

Rafael Henzel hi kum 45 mi chauh a ni a, football reporter leh commentator niin radio lam hnathawktu a ni.