Maldini-a'n ESL chung-changah hriat a nei lo

AC Milan technical director Paolo Maldini chuan European Super League chungchangah hriat a neih loh thu a sawi a, Milan ṭantute chungah ngaihdam a dil.

Khawvel defender ṭha ber zinga chhiar tel Maldini chuan, "AC Milan-ah technical director hna ka thawk a, chuti chung chuan European Super League chungchangah hian hriat ka nei lo. Kan club thutlukna siam avangin club ṭantu zawng zawng chungah ngaihdam ka dil.

"ESL thil thleng aṭang hian kan inzir a ṭul. Super League leh a kaihhnawih sawihonaah vawi khat mah ka tel lo. Pathianni tlaia Super League chungchang chanchinthara an puan kha ka hre ve chauh. Keimah ni loin club neituin thultukna a siam a ni," tiin a insawifiah.

European Super League-ah hian club 12 hming a lang a, English club paruk Manchester United, Manchester City, Chelsea, Liverpool, Arsenal leh Tottenham Hotspur-te an inhnuhdawh hnuah Atletico Madrid leh Inter Milan te an chhuak ve leh a, AC Milan hi a pakuanaah an inhnukdawk.