Davis lo kir mah se an chak lo

Chawn hliam vanga thla hnih chuang a chawlh hnuah Anthony Davis a lo kir leh tawh a, mahse Davis hian a team a chakpui zo lo. Nimin zing NBA regular season inkhelah Los Angeles Lakers chu Dallas Mavericks lakah 115-110 in an tlawm.

Lakes thiampuipa Davis-a'n court chhungah minute 17 hun a hmang a, point li a neih bakah rebound vawi li bawk a la. Hliam dam hlim a nih avangin a la khel tam tawk lo a, season tir lama a khelh dan a la phak lo hle.

LeBron James erawh a la inlan thei lo, Amercian star hi engtikah nge a lo kir dawn a la hriat loh. A zawnin Lakers hi vawi hnih an tlawm leh ta a, season kal laiah vawi 24 ngawt an tlawm tak avangin playoff atan chiangsa tia sawi ngawt theih an ni ta lo.