Napoli an chak chiang

Serie A aṭanga Champions League khelh tum pahnih inkhelah Napoli chuan an mikhual Lazio 5-2 in an sawp a, table-ah pangana dinhmun luah chhunzawmin UCL an beiseina an chhem nung.

Ningani zan Stadio San Paolo-a inkhelah Napoli tan Lorenzo Insigne-a'n goal hnih a khung bakah, Metteo Politano, Dries Mertens leh Victor Osimhen ten goal khat ṭheuh an khung a, mikhual tana Ciro Immobile leh Sergej Milinkovic-Savic goal neihin awmzia a nei phak lo.

Inkhel dangah Atalanta chuan pahnihna dinhmun luah theihna remchang an neih chu an bawhpelh, an mikhualna ramah AS Roma nen 1-1 a an inhnehtawk avangin pathumnaah an awm chhunzawm.

Italian Serie A aṭangin team paliin UCL an khel dawn, hmahruaitu Inter Milan hi an dinhmun a chiang thawkhat tawh. AC Milan, Atalanta, Juventus, Napoli leh Lazio ten Inter hnungzui an tum mek.