Mbappe hoin PSG an chak

Paris St Germain chuan Inrinni zan khan Nantes chu 3-0 in an luhchhuah. Ligue 1 champion tan hian Neymar inlan thei lo mah se Ander Herrera, Kylian Mbappe leh Pablo Sarabia ten goal khungin point thum an hlawh chhuak.

PSG-in Istanbul Basaksehir an hneh ṭumin an player an hliam nual a, inhliam zingah Neymar a tel. An ṭhat dan bera an inlan theih loh avangin goal khung pawh an harsat dawn niin a lang hman a, chawlhlawlk hmain goal a lut lo.

Nantes tan forward Kolo Muani chuan minute 16-naah hun ṭha bik a nei a, hnai tak aṭangin khung theihna hun nei mah se goal zawnah a pet lo. Rawlthar duhawm Mbappe pawhin a hun ṭha neih vawi hnih a khawhral bawk.

Second half-ah erawh team ṭha an danglam, minute 47-naah Manchester United player hlui Herrera chuan khung ṭanin, defender Jean-Charles Castelletto chuan Mbappe a tih tluk vangin penalty a chawi a, a hlawh chhuaktu hian an goal hnih nan a khung.

Thomas Tuchel-a naute thlamuang takin an awm bik lo, mualneitu lamin penalty an hlawh chhuak. Mahse Kader Bamba pet chu keeper Keylor Navas-a'n a lo dansak a, a hnu lawkah ho lam taka ball an hloh dawngtu Sarbia chuan PSG chak nemnghehna a khung zawk a ni.

Ligue 1 champion hian match kua an khelh aṭangin point 21 an nei leh der tawh, season tir match hmasa pahnihah chak lo mah se a hnu lamah an la chak vek. Pahnihna Lille aiin point thumin an sang zawk, nizan khan Lille hian Lyon an mikhual a, an result a zirin an inthlauhna hi a la danglam leh thei ang.