Premier League an khel zel dawn

United Kingdom prime minister Boris Johnson chuan Inrinni khan Novmber 4, Ningani aṭangin England-ah lockdown vawi hnihna a awm tur thu a puang a, Premier League erawh a huam dawn lo.

Covid-19 hri a hluar leh tak avangin lockdown hi neih leh tur a ni a, December 2  thleng a awh dawn. Lockdown hmasa zawk hi March aṭanga June thla chhung khan neih a ni tawh a, hetah hian infiamna zawng zawng pawh a huam vek.

Liverpool manager Jurgen Klopp chuan, "Football khelh chhun-zawm hi kan duh. Kan hmachhawn tawh chin aṭangin him takin inelna kan kalpui thei tih kan lantir a ni," tiin a sawi.