Ramos-a'n Ballon d'Or a phu - Figo

Barcelona leh Real Madrid tana khel kawp tawh player tlemte zinga mi Luis Figo chuan Sergio Ramos chuan Ballon d'Or chawimawina dawn a phu thu a sawi.

Spanish defender rorum hian captain nichungin season liam taah khan season thum chhunga a vawi thum nan Real chu Champions League nomawi a chawipui a, Spain nena an World Cup zinkawng erawh hriatreng tlak a ni lem lo.

Figo chuan, "Defender pawh hi goalkeeper ang deuh an ni a, mimal chawimawina dawn hi a har hle. Mahse, Cannavaro pawh khan Ballon d'Or hi a lo dawng tawh tho a, quality aṭang ngawr ngawra teh phei chuan Ramos hian a phu hle a ni," a ti.

Kum 2000-a Ballon d'Or chawimawina dawngtu Figo-a'n Ramos hming a lam rik hun erawh a fuh lo - Copa del Rey leh Champions League aṭangin an tla tawh a, La Liga-ah pathumna ni mekin khelh zat inangah hmahruaitu Barcelona chu point 12-in an phak lo mek.

Real hian Pathianni zan dar 12:15-ah league match khel turin Huesca an mikhual ang.