Olympic atan Breakdancing!

Tun hnaia Mizo ṭhalaite pawhin an tui em em breakdancing chu Paris 2024 Olympic aṭanga Olympic games-a tel ve turin International Olympic Committee Executive Board chuan a thlawp.

Breakdancing bakah hian surfing, climbing leh skateboarding-te chu Olympic-a tel ve tawh tur hian sawi a ni bawk a, February khan Paris Olympic organiser-te chuan an duhna hi an lo thlen tawh a ni.

Heng infiamna palite hi June-a IOC session neih turah Olympics-a telh lailawk tura pawm turin thlen a ni phawt ang a, thutlukna tak erawh December 2020-ah siam tur a ni ang.

IOC president Thomas Bach chuan Olympic chu mi zawng zawng huap zo, hmeichhia leh mipa, eng mi tan pawha hunpui hlimawm ni tura a duh thu a sawi a, "Kum naupang zawkte nena inpawhtawn theihna tur pawh kan ngaihtuah zel a ni," a ti.

Kum 2018 khan breakdancing hi Youth Olympic Games-ah telh a ni a, surfing, climbing leh skateboarding te hi Tokyo Olympic Games 2020-ah enchhin a ni ang.